آخر الأخبار

سعيدة قراش تبكي الرئيس الراحل "شعبك اليوم باش يودعك وينسيك الغصة الي مشيت و هي معاك"

زووم تونيزيا | السبت، 27 جويلية، 2019 على الساعة 08:54 | عدد الزيارات : 881
نعت الناطقة الرسمية باسم رئاسة الجمهورية سعيدة قراش الرئيس الراحل الباجي قايد السبسي بكلمات مؤثرة.  

 

 

 ونشرت سعيدة قراش تدوينة على صفحتها الخاصة في الفايسبوك دوّنت فيها "رئيسنا، نهار اليوم باش يكون طويييييل على تونس الي حبيتها و فنيت حياتك في خدمتها، و على التوانسة الي حبيت تعطيهم احسن ما عندك من افكار و إلتزام بيها و محبة و قدرة على الحلم الجماعي و خرجتنا بيه معاك من سنوات الاغتيالات و الخوف و الفوضى و الرعب بعد الثورة. رئيسنا نتذكر مدة اشهر لتالي ، دخلت لمكتبك كيف العادة على خدمة و كيف ما تعودت نعمل مسح سريع لملامح وجهك قبل ما نعطي آش عندي خاصة كيف تكون الأمور ماهياش ، خاطر كنّا انا و فراس و سليم نخافو عليك برشا اما زادا نقولولك الحقيقة ، وجهك ما عجبنيش، قتلك شبيك سيد الرئيس، فديت؟ قتلي، dégoûté, لكن الله غالب توا يجي نهار و يفهموا اما وقتها انا ما نكونش هوني في عالم الأحياء. فهمو و فهمنا يا رئيسنا، شعبك بكاك بعفوية و بمحبة كبيرة قد محبتك ليه و للبلاد، شعبك اليوم باش يودعك و ينسيك الغصة الي مشيت و هي معاك، و نعاهدوك اننا سنحب البلاد كما لا يحب البلاد احد، و لو قتلونا و لو شردونا لعدنا غزاة لهذا البلد كيف ما قال شاعرنا الكبير أولاد أحمد".